4th ID, mikondena sa kamatayon sa 20 anyos nga kadete kinsa anak sa kanhi diamond trooper

Gikondena sa 4th Infantry Diamond Division ang pagkamatay ni cadet 4th class Darwin Dormitorio tungod sa hazing.

Mismong si 4th ID Commander Major General Nemesio Gacal ang mipaabot sa iyang pahisubo sa anak sa kanhi niini diamond trooper.

Si Dormitorio gihatagan sa arrival honor sa mga sundalo sa 4th ID sa pag-abot sa patayng lawas niini niadtong Sityembre 21 ug nahatagan usab kini sa funeral services.

Lakip sa nasubo sa gidangatan ni Dormitorio mao ang president sa PMA-Cadet and Alumni Parents Association dinhi sa Northern Mindanao nga si Clementino Villagantol.