Gilunsad na sa 401st Brigade ubos sa 4th Infantry Division, Philippine Army ang ilang man hunt operation, dala ang pamasin nga ilang maluwas ang ilang mga kaubang 12 ka Cafgu ug duha ka mga sundalo nga gikidnap sa rebildeng New Peoples Army o NPA sa New Tubigon, Sibagat, Agusan del Sur niadtong kadlawon sa Miyerkules.
Mao kini ang gibutyag ni 4th IDF chief, Major General Ronald Villanueva sa interview sa dxCC-RMN Cagayan de Oro.
Matud ni Villanueva nga ang ilang tropa sa 4th ID, nagpadayon karon sa ilang military operation, ug naka totok sa mga lugar nga kontolado sa mga NPA.
Gipasabot ni Villanueva, nga naka-alerto karon ang ilang mga sundalo, labi na kay nagka du-ol ang ika 50 ka tuig nga anibersaryo sa NPA sa december 26.
Subo si Villanueva, nga gi-runda sa NPA ang Cafgu detachment sa Sibagat, sabay sa iyang pagduda nga posibling nagtulog-tulog ang ilang mga sundalo, hinongdan nga na-runda sa mga kaaway sa gobyerno
