4th ID ug Camp Alagar, gisiguro ang kamalinawon sa eleksyon

33

Gisiguro sa  4th Infantry Diamond Division ug Camp Alagar nga magmalinawon ang eleksyon sa Mayo 13 bisan pa sa hulga sa  mga  armadong mga grupo nga kontra sa gobyerno.

 

Matud ni 4th ID Spokesman Captain Regie Go nga  ang 4th ID, mag-deploy kini sa usa ka brigade  nga naglangkob sa unom ka mga battalion sa mga sundalo sa tibook  region 10.


 

Kini aron pagsiguro nga walay mga dautang elemento nga maghimong kasamok atol sa adlaw sa piniliay.

 

Samtang  sa Camp alagar, gipahayag ni out going Police Regional Director, Police  Brigadier General Timoteo Pacleb nga mokabat sa kapin tres mil ka mga police ang ilang ipakatag sa  tibook region 10.

 

Matud ni Pacleb nga ang maong mga police maoy silbing kaabag sa mga sundalo sa gobyerno aron pagmintinar sa kahusay ug kalinaw  atol sa election day.

 

Gipasabot sa nasangpit nga police office nga  andam na ang tanang police personnel sa paglakag sa mga dautang elemento sa oras nga dunay ilang dautang buhaton sa adlaw sa eleksyon.

 

Facebook Comments

From Advertisers