Nangawat og kable sa telepono, gisikop

26
PC: RadyoMaN Nitz Arancon

Gidakop,  giposasan  ug gi-detain sa Carmen Police station ang usa negosyantig junk shop human nasapon sa akto sa mga otoridad  nga nangawat  og  kable sa telepono nga iya sa Misamis Oriental Telephone system kon Misortel.

 

Ang nasangpit nga suspect,  nagpa-ila sa ngalan nga si Renato Mabilin Dablio, 42 anyos nga residente sa Phase 3 Macanhan ning syudad


 

Ang maong suspect, nadakpan sa Carmen Police sa upper Carmen ning syudad nga kauban sa lain pang tulo ka mga suspect nga naka-ikyas  gikan sa  kamot sa mga otoridad.

 

Nakuha gikan sa maong suspect ang tulo ka gabas sa puthaw nga ilang gigamit pagputol sa kable sa telepono.

 

Ang Cable nga ilang gikawat sa upat ka mga suspect,  wala ma-recover sa mga otoridad kay gidala na kini sa  lain pang tulo ka mga suspetsado sa ilang pag-eskapo.

 

Ang maong mga suspects naghulat nga  pasakaan sa kasong pagpangawat sa City  Prosecutors Office.

Facebook Comments

From Advertisers