Malaybalay City, Bukidnon – Uyon ang pamunuan sa 4th Infantry Diamond Divsion sa gi-ingon ni Pangulong Rodrigo Duterte nga tawgong terorista ang rebeldeng New Peoples Army (NPA).
Sa interview sa RMN Malaybalay ngadto kang Major General Ronald Villanueva, ang commander sa 4th ID gibutyag niini nga ang gilunsad nga criminal activities sa rebeldeng NPA mahisusama na sa teroristang grupo.
Giit sa AFP nga gihimo sa gobyerno ang tanang pamaagi aron makighinabi sa komunistang grupo sa ingon makabaton sa kalinaw.
Una nang naghatag sa pahayag si Pangulong Duterte nga magpagawas siya sa proclamation nga nagdeklarang terorista ang NPA.
Samtang sa interview sa RMN ngadto kang Atty. Antonio Soriano, political analyst ug convenor Citizens Watch for Good Governance (*CWGG*) gibutyag niini nga ang maayong himoon sa duha ka panig mao ang paghimo ug dayalogo.
Matud ni Soriano nga angayan makita ang ugat hinungdan sa armadong pakigbisog ug solusyonan ang problema sa kapobrehon.
Ayha matud pang ideklara nga terrorist gruop ang mga NPA angayan lingkuran ang ugat hinungdan sa problema.
Gidugang pa ni Atty. Soriano nga dili makasulbad sa problema ang pagdeklara sa CPP-NPA isip mga terorista.
