Kalibo, Aklan — Sangka posthumous commendation rong gintao it Sangguniang Panlalawigan-Aklan kay Dr. Dreyfuss Perlas kahapon sa ika-61st Regular Session.
Ro nasambit nga komendasyon hay bilang pagpasaeamat sa ginpakita nga pagkabaganihan ag pagserbisyo ni Dr. Perlas sa Sapad, Lanao del Norte bilang Doctor to the Barrio volunteer.
Kung matandaan nga si Dr. Perlas hay ginbaril-patay ko nagtaliwan nga Marso 1 it gabii samtang nagapauli eon sakay ko anang motorsiklo halin sa sangka medical mission.
Emosyonal man nga ginbaton ro nasambit nga komendasyon ko anang ginikanan ag igmanghod kung sa siin sa mensahe ko anang nanay nga si Mrs. Leovigilda Perlas nga sangka public school teacher nga bisan uwa iya mag serbisyo si Dr. Perlas sa Aklan hay una gihapon ro pagkilaea kana.
Si Dr. Dreyfuss Perlas hay tubo it banwang Batan.
