4th quarter SIMEX gigraduha’g 9/10

Davao City – Nakakuha’g taas nga grado ang gilusad nga 4th quarter Simulation Exercise (SIMEX) ug nagmalampuson ang inter-operability and capability demonstration sa Safety and Security Cluster sa dakbayan kagahapong adlawa, Nobyembre 27, 2022.

Gigraduhan og 9 over 10 nila Public Safety and Security Office (PSSO) Head Angel Sumagaysay ug Task Force Davao Commander Darren E. Comia ang performance sa mga personahe.

Sa scenario sa SIMEX, gialerto sa tropa sa Task Force Davao dihang nasakmit nila ang usa ka improvised explosive device gikan sa usa ka pasahero nga nilabay sa border control point sa Sirawan, Toril.

Usa ka oras ang nakalabay, kunuhay adunay nibusikad nga bomba sa Our Lady of Lourdes Parish in Central Park, Bangkal diin daghan ang samdan ug gisundan na usab kini sa lain na pod nga pagbuto.

Paspas nga naka responde ang security forces pinaagi sa Davao City Oplan Dragnet sa Davao City Police Office (DCPO), ang bomb incident ug pagsalbar sa mga biktima sa terroristic attack, dali usab nga naharang ug nadakpan ang suspek nga nakamotor sa Matina Aplaya.

Matud ni Comia, ang kulang nga usa ka puntos tungod sa minor lang nga sayop ug miscommunications atol sa execution, apan masulbad kini pinaagi sa kanunay nga pagbansay.



RadyoMaN Aimee Guinita

Facebook Comments