Mga drogista sa lungsod sa Pitogo, gibulgar ni Mayor YecYec

Pitogo, Zamboanga del Sur – Gibulgar sa Mayor sa lungsod sa Pitogo ning Probinsya sa Zamboanga del Sur ang mga residente sa ilang lugar nga nagamitan sa gidili nga drogang Shabu.
Ang estratihiya sa kampanya ni Pitogo Mayor James YecYec mao ang pagpakatag sa mga pangalan sa mga drogista pinaagi sa pagplastar niini sa pampubliko nga dapit diin gipatik sa mga tarpaulin ang mga identipikasyon sa suspected drug users.
Gibutyag ni Mayor Yec-Yec nga walay gipihig sa iyang kampanya batok illegal drugs kay bisan gani ang iyang mga suod nga higala, supporters ug bisan paryente nga gituohang nalambigit sa maong dinautan nga bisyo wala maka-ipsot sa iyang pamaagi.
Nagtuo ang Mayor nga pinasikad sa iyang talagsaon nga pamaagi mokooperar ang publiko sa kampanya sa gidiling droga nga inanay nga nisiaw niining panahona.
Facebook Comments