Davao de Oro – Patay na nga napalgan sa iyang pamilya ug mga residente ang 5 anyos nga batang babaye human gilugos ug gipatay alas 10:00 sa gabii sa Purok 5, Barangay Ngan, Davao de Oro.
Biktima giilang alyas Aneth, 5 anyos ug residente sa nahisgutang lugar samtang suspek mao si alyas Manny, 18 anyos, ulitawo ug silingan sa biktima.
Sumala sa report sa Compostela Municipal Police Station, ulahing nakit-an ang biktima nga kauban sa suspetsado hinungdan nangayo og tabang ang ginikanan sa bata sa mga Barangay Officials ug gisikop sa dihang nakit-an.
Sa imbestigasyon, giangkon sa suspek nga iyang gidala ang biktima sa hilit nga lugar, gilugos ug pagkahuman gitu-ok nga miresulta sa kamatayon.
Balhug na karon sa prisuhan ang dinakpan ug pasakahan og kaso.
RadyoMaN Jules Catisay
