BAGO CITY, NEGROS OCCIDENTAL – Dako ang pagpati sang pamilya sang 5-anyos nga nasapwan patay nga ini ang ginlugos sang ila man lang kaingod balay sa ciudad sang Bago kaina sang aga.
Suno sa utod nga si alyas Inday, 17 anyos, pasado las-kwatro kagapon sang naghalin sa ila balay ang iya manghod apang wala na makabalik.
Bangud sini, gilayon nga ginpakita ang biktima kun sa diin halos tatlo ka na purok ang ginlibot nila sa pagpangita sang bata.
Pasado las-dose sang udto lang kaina sang masapwan ang bangkay sang bata nga ginsulod sa sako kag ginlubong pa sa basurahan mga 20 metros ang kalayuon sa ila balay.
Pahayag pa sang utod sang biktima nga kilala nila ang suspek nga amo si Alyas Daku, 45 anyos kag pumuluyo man sang lugar.
Nagapati ang pamilya kag ang mga tawo sa amo nga purok nga si alyas Daku ang may kahimuan sang krimen bangud nga sang nakita niya nga may mga pulis, ini siya ang gilayon nga nagpalagyo.
May pilas sa likod sang ulo ang biktima kag duguon ang kinatawo sini nga ginapatihan ginhimuslan.
Nahibalu-an nga may yara pa sang napulo ka mga kauturan ang biktima.
Story first posted by RMN Bacolod
————————–
Like our official Facebook page: www.facebook.com/ifmbacolod943
