Wala na sang kabuhi sang masapwan ang 5- anyos nga bata nga babaye nga ginapatihan ginhimuslan sang suspek sa Purok Mainuswagon, Barangay Poblacion, Tampakan, South Cotabato.
Sa pahayag sang investigator sang Women, Children`s Protection Desk Tampakan nagreport alas 6:00 sang Dominggo sang gab-i ang iloy sang bata nga nadula ini, apang alas 9:00 na sang gab-i sang nasapwan ang 5-anyos tungod sa paglabaw sang tiil sini sa ginlubngan nga buho sang suspek sa isa ka pil-as malapit sa papaya plantation sa nasambit nga lugar.
Nagbulig pa ang suspek suno pa sa pagpangita sa biktima kag amo pa ang nagkuha sa buho nga ginlubngan sini.
Base sa imbestigasyon sang Tampakan PNP ulihi nga nakit-an ang bata nga upod ang suspek nga ginkilala kay Zandro Ogdamin bag-o pa man nasapwan nga wala na sang kabuhi ang biktima.
Nagapadayon naman ang pagpangita sang kapolisan sa suspek nga nagpalagyo matapos makomitir ang krimen. photo by: PDRRRMO South Cotabato
