Lima ka wanted persons ang nasikop sa kapulisan sa Gingoog City kaganihang buntag.
Matud ni Gingoog City Police Station Acting Chief of Police, Supt. Ariel Philip Pontillas nga alas dies kaganihang buntag nasikop si Rolando Castulo Burlat, 53 anyos, minyo ug taga Purok 4, Barangay Punong, Gingoog City.
Gisikop sa kapulisan si Burlat tungod sa kasong Child abuse ug ang warrant of arrest gi-isyu ni Hon. Mirabeaus Undalok sa RTC-10, Branch 43, Gingoog City.
Samtang alas onse kaganihang buntag laing upat ka wanted persons ang gisikop tungod sa kasong pagpangawat.
Kini naglakip nilang Jose Cabactulan, 60 anyos, minyo, Bobby Cabactulan, 29 anyos, ulitawo, Eduardo Dela Vega, 57 anyos, minyo ug Jodel Baranggan, 38 anyos, minyo ug puros taga Purok-3, Barangay Punong, Gingoog City.
Ang warrant of arrest gi-isyu ni Hon. Giovanni Alfred Navarro, Presiding Judge sa RTC-10, Branch 27, Gingoog City.
PC: Tsip Aye- Police Supt. Ariel Philip Pontillas
