Gisikop sa kapulisan sa Misamis Oriental ang lima ka mga wanted persons gikan niadtong Oktubre 16 hangtud Oktubre 18 ning tuiga.
Lakip sa nasikop mao si Alexander Bataluna, 38 anyos, minyo ug taga Purok 6, Don Pedro, Naawan, Misamis Oriental.
Si Bataluna nag-atubang sa kasong frustrated homicide nga dunay piyansa nga 24-mil pesos.
Ikaduhang nasikop si Benosto Sabunod Basadre, 66 anyos, minyo ug taga Purok 2, Upper Solana, Jasaan, Misamis Oriental.
Si Basadre nag-atubang sa kasong Acts of Lasciviousness in Relation to Republic Act 7610 o Child Abuse nga dunay piyansa nga 200-mil pesos.
Ikatulong nasikop si Maria Cleofe Paguidopon, 40 anyos, minyo ug taga Chaves Subdivision, Poblacion 2, Villanueva, Misamis Oriental.
Si Paguidopon nag-atubang sa kasong paglapas sa Batas Pambasa 22 o An act penalizing the making or drawing and issuance of a check without sufficient funds or credit and for other purposes nga dunay piyansa nga 13,900 pesos.
Ika-upat nga gisikop mao si Emry Cuevas Filipinas, 46 anyos, minyo ug taga Purok 2-B, Tuod, Manticao, Misamis Oriental.
Si Filipinas nag-atubang sa kasong frustrated homicide nga dunay piyansa nga 100-mil pesos.
Ikalimang nasikop si Regie Padla Rapal, 42 anyos, minyo ug taga Sitio Vencer, Barangay Mandangoa, Balingasag, Misamis Oriental.
Si Rapal nag-atubang sa kasong paglapas sa Republic Act 9262 or Anti-Violence Against Women and their Children Act nga dunay piyansa nga 120-mil pesos.
Ika-unom nga gisikop mao ang Amerikanong si Scott Wallace, 61 anyos, minyo ug taga Barangay Tagpako, Gingoog City, Misamis Oriental.
Si Wallace nag-atubang sa kasong paglapas sa Republic Act 9262 or Anti-Violence Against Women and their Children Act nga dunay piyansa nga 24-mil pesos.
