General Santos City–Gikalipay ni Brgy Tinagacan Kapitan Jeffrey Salanio nga usa ang ilang barangay sa lima nga unang naka-distribute sa singko mil pesos nga subsidiya gikan sa gobyerno.
Sumala sa Kapitan nga tungod sa iyang nakit-an nga sitwasyon sa iyang mga konstituente dayon niyang gipaningkamotan nga maproseso ang mga requirement sa programa.
Nasayran nga mukabat sa 405 ang mga residente nga benepisyaryo sa SAP sa Barangay Tinagacan.
Samtang dungan sa pag-apud-apod sa 5mil ka pesos gikan social amelioration program, gipaniguro ni Brgy Kapitan Jeffrey Salanio nga matuman gihapon ang mga balaud sa Enhance Community Quarantine.
Pipila niini ang social distancing og ang obligadong pagsul-ob og face mask sa mga residenteng mugawas sa panimalay.
Gipahinumduman usab ni Salanio ang mga nakadawat og kwarta nga gamiton sa tarong ang kwarta og dili kay isugal o kaha ipalit og ilimnong makahubog.
Mapasalamaton usab ang residenteng si Akmad Sanday nga usa sa mga benepisyaryo sa maong programa tungod usa siya sa mga unanag nahatagan sa maong benepisyo.
Sumala ni Sanday nga magamit niya kini pagpalit og dugang mga konsumo sa iyang pamilya.
Aminado si Sanday nga sa karon naglisod gyud sila sa ilang panginabuhi tungod sa gipatumang enhance community quarantine.(Jordan Britos)
