Malaybalay City, Bukidnon – Nisurender ang lima ka mga miyembro sa New People’s Army kon NPA.
Bitbit sa lima ang mga high-powered firearms atol sa ilang pag-surender ngadto sa Police Regional Office Region 10 (PRO-10) Headquarters sa Camp Alagar, Lapasan, Cagayan de Oro City.
Naila ang mga nisurender nga sila si Marlon Talisik, Rodolfo Talisik Jr, Bebert Damasco Jr, nga susamang nagpuyo sa Brgy. Casisang, Malaybalay City ug sila si Arnel Salahag Diwangan ug Mablet Timbangan, nga susamang taga Barangay Canangaan, Cabanglasan Bukidnon.
Apil sa mga armas nga dala niini ang ilang mga baril nga gilangkuban sa 5.56 caliber pistol, M-14 sniper riffle, rifle carbine caliber 30 ug duha ka shotgun.
Nagkantidad sa P140,000 ang mga armas nga gisurender sa kanhi mga rebelde.
Alayon niini, gikalipay usab ni PNP-10 Regional Director Timoteo Pacleb ang pagtahan sa mga kanhi rebelde gumikan nagpasabot lamang kini nga epektibo ang ilang kampaniya batok sa rebeldeng grupo.
