Lima ka mga aktibong membro sa rebelding New Peoples’ Army (NPA) kinsa usa ka pamilyahan diin lakip niini ang usa ka team leader ang bolontaryong mitahan ngadto sa Butuan City Police Office (BCPO).
Gipresentar kagahapon ni P/Col. Canilo Fuentes, city director sa BCPO ang maong mga NPA nga nagsurender ug gipaniguru nga modawat sila ug ayudang pinansyal pinaagi sa Enhanced Comprehensive Local Integration Program (E-CLIP).
Giila ang mga nagsurender nga sila si alayas Tabol uban sa iyang asawa nga si alyas Queen, kinsa supply offcer; alyas Jiho, usa ka aktibong team leader ug platoon medic; samtang ang uban pulos aktibong membro sa NPA ug Militia ng Bayan ubos sa Guerilla Front 4A sa North Central Mindanao Regional Committee (NCMRC).
Bitbit sa ilang pagsurender mao ang improvised shotgun (sumpak) ug upat ka mga revolvers uban sa mga buhing bala. Gikabutyag nga ang mga nagsurender nalambigit sa pagharang sa dalan, ambush operations ug pagsunog sa mga heavy equipments sa nagkadaiyang lugar nga sakop sa Agusan del Norte.
