Gi-Veto ni Pangulong Rodrigo Duterte ang lima ka probisyon sa gipermahan niining Tax Reform for Acceleration and Inclusion (TRAIN) law.
Apil sa lima ka mga probinsyon nga gi-Veto sa pangulo mao ang pagpaubos sa income tax rate sa mga empleyado nga nagtrabaho sa Regional Headquarters, Regional Operation Headquarters, Offshore Banking Units ug Petrolium Service Contracktors ug Subcontractors.
Lapas matud pa ang probisyon sa equal protection clause ilawom sa section 1, Art. III sa 1987 constitution. Wala usab gipalusot ni Duterte ang ginagmay nga dugang sa buwis nga ipahamtang sa tobacco products.
Sa pikas bahin gibasura usab ni Pangulong Duterte ang exemtion sa pipila ka mga produktong petrolyo gikan sa excise tax kung kini gamiton isip input, feedstock o dili ba kaha raw materials sa paggama ug mga petrochemical products, ug refining sa petroleum products.
