General Santos City–Unom ang kompermadong patay samtang nagpabiling upat ang samdan sa managlahing engkwentro nga nahitabo tali sa mga tropa sa militar og mga rebeldeng Bangsamoro Islamic Freedom Fighters kon BIFF sa Cotabato Province.
Sa report sa kapulisan giila ang mga namatay nga silang Ganding Mutalib, Raguiab Tahir, Monsi Kadir, Saliman Guinaid og Kumay Sangutin,mga tauhan ni Shiek Esmail Abdulmalik alyas Kumander Abu Toraife sa Bangsamoro Islamic Freedom Fighters (BIFF-ISIS Inspired Group).
Samtang patay usab si Fernando Lacuesta, nga miyembro sa Citizen Armed Forces Geographical Unit (CAFGU). Samdan gipangdala usab sa ospital silang Staff Sergeant Wenceslao Nacional, Corporal Gerry Culaban, Privates 1st Class Ignacio Cinco og PFC Joel Looc ,nga puros mga naka destino sa 34th Infantry Battalion Philippine Army.
Matud pa kang Joint Task Force Central og CMO Mindanao Regiment Commander, Colonel Gerry Besana nga padayon nila karon nga ginagukod ang mga nahibiling mga terorista sa may Sitio Bisalang og Sitio Martesan Brgy Tonganon Carmen North Cotabato human didto kini magtagu tagu.
Una ng gikumpirma ni AFP Spokesman Col Edgar Arevalo nga si Kumander Abu Toraife ang mihulip kang Kumander Isnilon Hapilon isip āEmirāsa mga teroristang grupo.
Samtang misaka na usab sa kapin 200 ka mga pamilya ang mihikling gikan sa Carmen North Cotabato sa kahadlok nga mapagan sila sa gyera. Sa pagkakaron mas hugot nga siguridad ang gipatuman sa tibuok region 12 tungod sa posibling pagkatag sa maong kagubot. (Emir Bariquit)
