Nagalab-ot sa 50 ka mga Overseases Filipino Workers ukon OFW`s kag himata sini dire sa rehiyon dose ang ipaidalom sa entrepreneurial development training sang OWWA 12 kag DTI 12 subong nga adlaw kabahin sang aktibidad sini sa Kalayaan 2019 Trabaho Negosyo, Kabuhayan Job and Business Fairs sang Department of Labor and Employment ukon Dole 12.
Suno kay OIC OWWA 12 Regional Director Christelyn Caseres ang nasambit nga mga OFW`s ukon himata sini nga nabilin dire sa pungsod ang nag-avail sang loan program sang ahensya nga imbes magbalik pa nagdesisyon na lang nga magnegosyo.
Nahibaluan nga yara sa P100k-P1 million ang para sa individual loan kag P5 million naman ang para sa group loan.
Samtang sa mga luyag mag-apply sang loan program sang OWWA suno kay Caseres ang magpadulong lang sa ila talatapan agud nga maassess kag maevaluate.
