General Santos City—wala gitugutan sa kapulisan nga mkalahos ang usa ka Jeep nga dunay kargang 500 Board Feet nga Coco lumber human nga walay gipakitang dukumento ang driver nga maoy nag dala niini.
Giila ni Police Chief Inspector Benjie Ancheta, hepe sa Alabel PNP ang driver sa maong jeep nga si James Inojales, legal age, residenti sa Prk. Lamkan, Barangay Alegria, Alabel, Sarangani Province.
Sumala pa sa opisyal nga gikan sa Barangay elgria Alabel ang maong mga Coco lumber apan kini naharang sa national highway human nga walay gipakitang dukumento ang driver niini.
Wala usab gibutyag kung hain dad-on ang maong mga kahoy ug ginasuta pa ang nanag-iya niini. Sa karon nagpabilin sa Kustudiya sa Alabel PNP ang maong mga Coco Lumber.
Facebook Comments
