San Pablo, Zamboanga del Sur – Isip kabahin sa World Environment Day moahip sa 500 kapin kun kulang ka bakhaw ang gitisok sa mga miyembro sa Department of Environment and Natural Resources (DENR)-Region 9, ug Zamboanga del Sur-Pagadian Press Club, Inc. (ZPPI) ug mga magsisibya nga sakop Kapisanan sa mga Brodkaster sa Pilipinas didto sa Brgy. Tanbuay, San Pablo Zamboanga del Sur kagahpong adlawa.
Sumala ni TITO GADON, ANG DENR-9 Assistant Regional Director for Management Services tumong sa aktibidad aron ipalapnag sa katawahan ang mga paagi sa pag-atiman sa kina-iyhan.
Gidugang ni Gadon nga ang bakhaw, maoy kahoy nga giilang lig-on nga moprotekta sa kadagatan ug magsilbi usab kini nga tigsagang sa dagkong balod ilabina sa panahon nga mohapak ang wala damha nga kalamidad.
Katimbayayong sa DENR-9 sa maong aktibidad ang lokal nga kagamhanan sa lungsod sa San Pablo nga gipamunuan ni Mayor Danilo Taucan [1] uban usab ang 53rd Infantry “Matapat” Battalion sa Philippine Army, 1st Field Artillery Battalion, tropa sa San Pablo PNP, Philippine Information Agency ug ang mga RadyoMaN sa RMN-DXPR Pagadian.
_(PHOTO BY LEAH D. AGONOY)_
