500 ka mga lumad gikan sa lain-laing lungsod sa Bukidnon ang nagpahigayon og peace rally sa hawanan sa kapitolyo probinsyal kaganihang buntag.
Ang maong mga lumad miyembro sa Lumad Mindanao Movement for Peace and Development, Inc. nga gimugna ni Datu Armando Bravo.
Nasayran nga kauban sa grupo ang kanhi mga miyembro sa New Peoples Army o NPA nga nibalik na sa sabakan sa gobyerno.
Gipadayag sa grupo duol sa mga bakwit gikan sa Camansi, Lagonglong, Misamis Oriental ang mga kaayuhan nga nahatag sa gobyerno.
Naa pa gihapon karon sa hawanan sa kapitolyo ang mga bakwit gikan sa Lagonglong ug padayong nanawagan nga ipapahawa sa ilang lugar ang mga sundalo nga nagbantay sa mga proyekto sa maong lungsod.
Facebook Comments
