General Santos City–Mukabat sa 500 ka mga personahe sa General Santos City Police Office ang e-deploy sa tibuok Gensan aron mag bantay sa siguridad ug kalinaw sa syudad dungan sa Simana Santa, wala pay labot ang 24 ka pesonahe sa RMFB ug mga personahe sa JTF Gensan.
Sumala pa ni P/Major Jovenson Bayona ang labaw sa City Operation Management Branch nga niadtong milabay nga simana pa ilaha nang gipatawag ang mga Chief Of Police sa walo ka mga police stations sa Gensan aron sayron ang ilahang security plan sa ilahang area hilabi na sa mga estasyon nga dunay Beach Resort ug mga dagkong simbahan nga ginadagsa sa katawhan.
Dugang pa ni Bayona nga nagrequest sila ug 24 ka mga personel gikan sa Regional Mobile Force Battalion aron ibutang sa mga beach resort tungod kay kuwang ang pwersa sa Police Station 5 nga magbantay sa mga beach resort nga anaa sa ilang AOR.
Samtang mag padayon ang ilahang pag libot suroy sa mga subdivision sa matag barangay tungod kay posibleng daghang mga tao ang muhahawa sa ilang panimalay arn mag samba o magbakasyon sa ubang lugar.
Kaabag usab sa GSCPO ang JTF Gensan ug ang ubang ahensya sa goberno sa pag bantay sa kahapsay ug kalinaw sa kinatibuk-ang syudad.(Dave Silagan)
