General Santos City— Electrical Wiring ang ginatan-aw karon nga hinungdan sa sunog sa Prk. Islam, Brgy. South ning dakbayan kagahapon sa buntag.
Sumala kang Fire Chief Inspector Reginald Legaste, City Fire Marshall nga base sa ilahang pagsulod sa maong lugar, ilahang nakit-an ang illegal nga mga series connection.
Busa sila matud pa sa Bureau Of Fire ang hugot nga nagapanawagan nga undangon na mga series connection gumikan usa kini sa mga nag-unang hinungdan sa sunog.
Dugang pamahayag ni FCI Legaste nga anaa sa ikaduhang alarma ang maong sunog nga milungtad ug kapin usa ka oras kung asa nangayo pa sila ug tabang sa bombero sa kasikbit nga munisipyo.
Kalabot niini gibutyag ni Legaste nga usa sa mga hinungdan nga dugay silang naka-abot sa sunog mao ang kalisod sa dalan nga agian.
Busa awhag niini nga kinahanglan gyud nga ang mga dala nga mamahimong agian sa mga sakyanan ang dapat walay mag-okupa dili lang sa Prk. Islam kundili sa bisan asang dapit sa dakbayan.
Gibana-banaan usab nga anaa sa 500, 000 ka pesos ang inisyal nga damyos sa maong sunog ung asa padayon ang ginahimong assessment sa BFP Gensan.
Padayon man usab ang panawagan sa BFP Gensan nga sutaon gyud pag-ayo ang mga electrical wirings aron nga malikayan ang sunog.
Sumala kang Legaste nga matag tuig na nila kining panawagan ngadto sa publiko nga kung daan na ang mga electrical wirings kinahanglan kining i-rehab kini aron nga makalikay sa uns amang disgrasya sama sa sunog.
