Mikabat na sa 504 ka mga suspek sa Coronavirus Disease o COVID-19 sa Region 10 ang na-record sa Department of Health o DOH dinhi sa Northern Mindanao.
Mao kini ang gibutyag ni Dr. David Mendoza, Assistant Regional Director sa DOH Region 10.
Gikan sa maong ihap, 17 niini kumpirmado nga positibo sa covid-19.
Matud ni Mendoza nga sigon sa record sa DOH, misaka ug mikanaog ang kaso sa covid 19 sa region 10 sulod sa pipila ka bulan nga kampamya sa gobyerno batok sa maong virus.
Kini ang rason nga si Dr. Mendoza, subling nanawagan sa general public nga kanunay mag-igmat, dili magkompiyansa aron dili matakdan sa makamatay nga sakit.
-o0o-
Facebook Comments
