Giposasan nga nadala sa kapolisan sa gingo-og City, ang usa ka lalaking nag-atobang sa kasong pagpangawat
Si Gingo-og City chief of Police, Chief Inspector Ariel Philip Pontillas, mipa-ila sa maong suspect nga si Pedro Ociones Bacasnot, 51 years old, menyo nga residente sa Purok 5, barangay Odiongan gingo-og city sa Misamis Oriental.,
Matud ni Pontillas, nga bandang 12:30 sa udto niadtong February 21, ilang gidakop si Bacasnot, pina-agi sa warrant of arrest nga gi-issue ni Judge Eileen Joy Pakino – Bonghanoy, nga Presinding Judge sa Municipal Trial court sa Gingoog City.
Matud ni Pontillas, nga si Bacasnot, nag-atobang sa kasong pagpangawat, sa Sala ni Judge Bonghanoy
Ang maong akosado, dunay piyansa nga 8 tounsand pesos, alang sa iyang temporaryong kagawasan.
Ang maong suspect, gidala sa Gingoog City Police office, ug karong adlawa, gitakda nga dad-on kini sa Sala ni Judge Bonghanoy alang sa iyang commitment order
