Nakabaton sang notisya ukon notice of loss ang Philippine Crop Insurance Corp. – (PCIC) gikan sa 511 ka mga mangunguma gikan sa Negros Occidental nga na-apektuhan sang Tropical Storm Falcon.
Suno sa head sang PCIC Extension Office – Jose Ma. Torres, nga magapatigayon sila sang assessment sa actual extent of damage sa ka-umhan sang mga apektado nga mamumugon.
Sa notices of loss, as of July 25, naglab-ot sa kapin 1,300 hectarya ang na-apektuhan sang naglabay nga bagyo gikan sa 21 ka LGUs sa probinsya sang Negros Occidental.
Nahibalu-an nga ang filing sang notice of loss ang requirement sang Negros First Crop Insurance Program, ang programa sang provincial government in partnership kaupod sa PCIC.
Sa first quarter sang 2019, ang PCIC-Negros Occidental ang nakabayad na sa mga apektado nga mangunguma sang kapin 5,500 tubtob 6 mil pesos sa tagsa ka hektarya nga covered sang insurance program.
