52 ka mga doktor, nurses ug uban pang mga health workers sa Northern Mindanao Medical Center o NMMC ang nag negatibo sa Coronavirus Disease o COVID-19.
Kini ang malipayong gibalita ni City Health Office Epidemiologist Dr. Joselito Retuya.
Mahinumduman nga ang maong mga health workers gipaubos sa quarantine ug swab testing human nakitang naa sa moderate risk.
Kini tungod sa pagka-ospital sa 21 anyos nga lalaking biktima sa road accident sa Barangay Lumbia ug nagpositibo sa COVID-19 pipila ka adlaw human gipaubos sa spine surgery sa NMMC.
Ang maong pasyente mao ang ika-upat nga pasyeteng nagpositibo sa COVID-19 sa Cagayan de Oro ug namatay niadtong Mayo 6.
Gidugang ni Dr. Retuya nga ang resulta gikan sa Southern Philippines Medical Center sa Davao City.
