Nag-abot na ang 52 ka mga taga-Bacolod kag Negros Occidental nga Overseas Filipino Workers (OFWs) nga kabahin sang una nga batch nga direkta nga pagabatunon sang syudad sakay sa 2GO nga nagdungka sa BREDCO Port.
Ang 24 ang gilayon nga gindala sa isa ka quarantine center sa Bacolod City para sa 14-day quarantine kag ipaidalum sa RT-PCR swab tests, samtang ang 28 ang gindala sa healing facility sa banwa sang EB Magalona.
Damlag pa, ginhambalan ni Mayor Bing Leonardia ang Overseas Workers Welfare Administration (OWWA) nga magpakig-angut sa local government sang Bacolod kag Negros Occidental angut sa mga polisa sa pagpapa-uli sang mga OFWs nga na-stranded sa Manila.
Pahayag sang alkalde nga indi siya luyag nga matabo liwat ang kaangay sang April 14 kon diin may 35 ka Negrense nga nag-abot sa probinsya nga may health kag quarantine clearance halin sa DOH apang may 2 ka nagpositibo sa coronavirus disease.
Nahibaluan nga ang 52 nga nag-abot, 24 dire taga-Bacolod kag 28 taga-Negros Occidental ang kabahin sang 102 ka mga OFWs nga nag-abot sa Bredco Port sini nga gab-i.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
