Nagdangat na sa 531 ang nag-positibo sa kapin 4,384 ka specimen nga na-kolekta sa ginpatigayon nga mass testing a ciudad sang Bacolod sang nagligad nga semana.
Ini ang base sa na-release pa lang nga resulta sang mga nakuha nga specimen.
Ang specimen nagalakip sang 1,589 samples nga ginpadala sa Cebu kag kapin 2,795 swab samples nga yara naman sa Teresita Lopez Jalandoni Provincial Hospital sa Silay city.
Sa samples nga ginpadala sa Cebu, 212 diri ang nag-positibo samtang nagdangat naman sa 319 ang may positibo nga resulta halin sa Silay Provincial Hospital.
Madumduman nga ginpatigayon sa Bacolod City ang One-Time-Bigtime mass testing sang nagligad nga August 27, 28 kag 29 kadungan sa pagpatuman sang Timeout Weekend upod ang provincial government sang Negros Occidental.
[image: image.png]
