Nagalab-ot sa 53,000 ka mga indibidwal ang prayoridad nga mapaidalom sa COVID-19 vaccination sa syudad sang Koronadal base sa listahan sang City Health Office.
Suno kay OIC City Health Officer Dr. Editho Vego sa nasambit nga numero ang ginalakipan sang mga frontliners, pigado nga mga residente kag mga vulnerable groups kapareho sang senior citizen kag iban pa.
Apang paklaro ni Dr. Vego nga sa pigado nga mga residente kag senior citizens ang ginbasehan nila nga listahan ang halin sa Department of Social Welfare and Development Office.
Samtang sa subong suno kay Dr. Vego ginahulat nila ang guidelines halin sa Department of Health kag national government angot sa pagbakal sang vaccine kag sa ipatigayon nga COVID-19 vaccination.
Facebook Comments
