Aprobado na ang aplikasyon sang 55 ka mga establishemento sa rehiyon dose sa exemption sa implementasyon sang second trance sang wage increase nga P10. Suno kay RTWB 12 Secretary Jessie Dela Cruz sa subong yara na sa 60 ka mga establishmento sa rehiyon ang nag – apply sang exemption.
Madumduman nga sa wage order no. 21 yara sa P25.00 ang wage adjustment sang mga empleyado sa mga pribado nga kumpanya, apang gintunga ini sa duha ka tranche. Gin-implementar ang una nga tranche sang Pebrero 2, 2020 nga P15.00 kag ang ikaduha nga tranche nga P10 sang Mayo 1, 2020.
Apang bangud sa epekto sang COVID 19 nangayo sang exemption ang mga kumpanya nga indi sini ipatuman ang P10.00 nga increase.
Samtang tubtob lamang sa Pebrero 2, 2021 ang ginhatag nga exemption sang RTWPB 12 sa mga kumpanya.
