Mokabat sa 550 ka mga sundalo ubos sa 402nd Infantry Brigade gikan sa Agusan del Norte, Surigao del Norte ug Surigao del Sur ang gitugotang mobotar alang sa Local Absentee Voting sugod niadtong Abril 30 hangtud Mayo Uno ning tuiga.
Mahinumduman nga ubos sa Omnibus Election Code, Republic Act No. 1766 ug Executive Order 157 lakip na COMELEC Resolution 10443, nakalatid nga available ang Local Absentee Voting sa mga miyembro sa Armed Forces of the Philippines, Philippine National Police ug Media Practitioners lakip na mga empleyado sa gobyerno kinsa dunay duty panahon sa eleksyon.
Sa pahayag ni Col. Maurito L Licudine, ang Brigade Commander sa 402nd Infantry (Stingers) Brigade nga ang Philippine Army magpabiling non partisan ug trabaho lamang nilang mapatunhay ang umaabot nga piliay.
