Amat-amat na nga ginpang-release ang resulta sa ginpatigayon nga mass testing sa syudad sang Bacolod.
Sa interview sang RMN-DYHB kay City Administrator Em Ang, nga ang mga specimen nga na-kolekta sang City Health Office sa ginpatigayon nga mass testing ang ginpadala sa Cebu City kag Teresita Lopez Jalandoni Provincial Hospital sa syudad sang Silay.
Kapin sa 1,600 ka swab samples ang ginpadala sa Cebu sa diin 600 diri ang may yara na sang resulta.
Sa 600 specimen, 40 lang diri ang nag-POSITIBO.
Dugang pa ni Ang, nga nagpasalig ang laboratoryo sa Cebu nga ila paggwa-on ang resulta ang nabilin nga swab sample subong nga adlaw.
Samtang sa provincial hospital, 110 palang ka swab ang nag-gwa nga resulta sa diin 16 diri ang nag-POSITIBO.
Nahibalu-an nga ang Bacolod ang naka-kolekta sang kapin 4,384 ka swab samples sa ginpatigayon nga mass testing nagligad nga Agosto 27-29.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
