Nagalab-ot sa 57 ka mga pamilya ang apektado sang ginpatigayon nga zonal lockdown sang local government unit sang Lake Sebu kon sa diin naghalin ang duha ka mga pasyenti nga nagpositibo sa COVID-19.
Ginkumpirmar ni Lake Sebu Municipal Health Officer Dr. Jocelyn Bayquin nga nakahatag na sang ayuda ang local government unit sang Lake Sebu sa mga pamilya sa duha ka mga sitio nga apektado sang ginpatuman nga zonal lockdown.
Samtang tungod problema ang supply sang tubig sa lugar nag-augment man suno sa iya ang provincial government paagi saPDRRMO sang mga Gerry cans kag magadugang man ang local government unit sang Lake Sebu.
Magadepende naman suno kay Dr. Bayquin sa ila mangin assessment kon san-o i-lift ang zonal lockdown sa nasambit nga lugar sa banwa.
May-angot sini, natapos naman ang case finding kag na- isolate ang mga may symptoms nga close contacts kag ginpaidalum naman sa swab test para RT PCR kag yara na sa mga quarantine/isolation facilities sa banwa. Ang mga asymptomatic contacts ang ginpaidalum naman sa RDT kag nakaquarantine naman.
Hingyo niya naman sa katawhan nga intiendihon sila sa mga ginahimo agud mapunggan ang paglapta sang virus sa lugar kag indi magpadulong sa kiris ang mga hospital sa probinsya.
