General Santos City–Walay nahimong dakong epekto ang kusog nga pag tay-og sa pipila ka parti sa Mindanao sa Rehiyon 12, mao kini ang nahimong pagbutyag ni Adrian Moralias sa Office Of The Civil Defense-12.
Sumala pa niini nga basi sa mga report nga nagasulod sa ilahang buhatan ang Malungon, Sarangani Province sa Region 12 ang medyo dako ug danyos human nga nakatala sa ilahang lugar ug upat ka mga landslide nga miguba sa 11 ka mga balay ug usa ka daang gambalay sa poblacion, Malungon Sarangani province.
Dugang pa niini nga sa karon usa palang ang ilahang nakuha nga report nga adunay namissing human nga gisuyop matud pa kini sa usa ka whirlpool sa Glan, Sarangani Province human ang makusog nga pag tay-og.
Giila ang biktima nga si Elvis Tangili, hamtong ug taga Glan, Sarangani Province kung asa nahitabo kini sa Barangay Pangyan ug sa kasamtangan ang padayon paman usab nga ginapahigayon ang search and retrieval operation sa mga personahe sa MDRRMO Glan.
Sa kasamtrangan padayon matud pa nga nagadawat ug report ang OCD 12 gikan sa mga Disaster Management Office sa Rehiyon 12. Samtang basi sa report kanila sa DPWH-12 ma-agian ang tanang dalan ug tulay sa rehiyon.(Dave Silagan)
