General Santos City–Anaa na sa kustudiya sa Bahay Pag Asa nga nahimutang sa Barangay Sinawal ning syudad ang 16 anyos nga lalaki nga si Alyas Jorge kansa nasikop sa gipahigayon nga buy-bust operation sa mga personahe sa Police Station 3 batok sa nasampit.
Sumala pa ni Police Major Benhur Catcatan ang hepe sa Police Station 3 nga naka dawat sila ug impormasyon nga dunay usa ka lalaki nga naga-pamaligya ug iligal nga droga sa ilahang area hinungdan nga gikasa ang operasyon.
Napalitan ang suspect ug usa ka sachet sa pina-ugang dahon sa marijuana sa leon llido street Barangay Lagao ning syudad alas 7:00 ang takna sa gabie. Didto nasayran sa otoridad nga minor de edad ang suspek hinungdan nga gi turn-over sa WCPD sa station 3 ug gidala sa Bahay Pag-Asa.
Dugang pagbutyag ni Major Catcatan nga sa kasamtangan gipaabot nalang nga mag pagawas ug assessment ang CSWDO kabahin na sa Act Of Discernment sa nahisgutang suspect.
Posible usab nga mag-atubang ug kasong pagsupak sa RA 9165, sec 5 sa art II kon pagpamaligya ug iligal nga droga.
Gi-angkon usab ni Major Catcatan nga na-alarma sila sa maong panghitabo diin usa ka minorde edad ang nalambigit sa pagpamaligya ug iligal nga droga hinungdan nga ilaha matud pang ginapakusan ang operasyon nila batok sa maong binuhatan.(Dave Silagan)
