6 casa uput na fuego

Nohay mas casa el ciete familia con 33 maga individual ay enfrenta con el nuevo anio despues ya rasa el fuego con el seiz maga casa hecho de palo na Sitio Duncaan, Boalan del Domingo por la tarde.
Ya responde el maga truck del bumbero junto con el maga fire fighters na lugar despues recivi conel firecall pasada alas dos del tarde.
Nohay llega un hora cuando ya puede ya controla el bumbero con el fuego y nohay mas man calayat na otro maga caserias.
Seiz casa ya queda ceniza mientras uno el partialmente ya quema.
Na initial investigacion, el fuego ya comensa na casa del familia Baclas y yan calayat na otro maga caserias.
Ciete familia con 33 maga individual el ya sale afectao durante el incidente.
Con el maga victima temporaryamente ya pone na senior citizen building na barangay hall del Boalan.
Ta precura pa ahora sabe el bumbero si cosa ya causa con el fuego.