6 ka bata nga na-trap sa sapa, malampusong na-rescue

68
Davao City – Luwas nga na-rescue sa awtoridad ang unom ka mga bata nga na-trap sa sapa sa Purok 2, Barangay Subasta, Calinan District, Davao City kagahapon sa hapon (June 28, 2022).

Sa interbyu sa DXDC RMN Davao kang Police Master Sergeant John Luther Acero, imbestigador sa Los Amigos Police Station, gibutyag niini nga nagsugod og kaligo ang mga bata alas 12:30 sa udto apan kalit na lamang nikusog ang tubig, diin unang nakahaw-as ang ilang kaubanang mga hamtong.

“Bigla lang nitaas ang tubig kay ang ulan (didto) sa bukid. Mao ‘tong nisaka sila (mga bata) atong bato. Didto sila karon sa na-stranded, didto sila na-trap,” butyag ni Acero.

Gilayong niresponde ang rescuers gikan sa Barangay Mintal ug Balengaeng diin ang mga biktima luwas ug walay natalang injured ug na-missing.

Gipahimangnoan sa awtoridad ang publiko ilabina ang mga ginikanan nga bantayan kanunay ang mga anak ug likayan ang pagpaligo sa sapa ilabina karong ting-ulan aron kalikayan ang aksidente o disgrasya.

RadyoMaN Kirby Manzon

Facebook Comments