6 ka eskwelahan sa Davao Region nalakip sa pilot run sa f2f classes

2041

Davao City- Unom nalang sa 18 ka mga eskwelahan nga girekomenda sa Davao Region ang tugotan nga musalmot sa pilot implementation sa limited face-to-face classes nga magsugod sa November 15, 2021.

Sa interbyu sa DXDC RMN Davao kang Jenielito Atillo Department of Education XI spokesperson, ang unom ka mga eskwelahan gilangkuban sa kinder, grade 1-3 ug Senior high School Technical Vocational.

Gibutyag ni Atillo, aprubado ang unom ka mga eskwelahan nga naggikan sa mga probinsya nga minimal o zero cases sa COVID-19. Aduna na usab kini pagtugot sa mga local government units ug consent gikan sa mga ginikanan.


Gipanganti sa DepEd, istrikto ug hugot nga ipatuman ang Minimum Public Health Standard sulod sa mga eskwlehan nga nalakip sa face to face classes.

Molungtad lang sa duha ka bulan ang pilot limited face to face classes nga matapos sa Enero 2022.

“Mao ng ensaktong gidaghanon sa panahon nga atong gikinahanglan para estudyuhan para unsay way forward nato. Palapdan ba nato ang scope sa pag-implementa sa face to face o aduna ba tay dili ipadayon dinha, these are matters that will be answered within the 2 month period,” sumala niini.



Dugang ni Atillo, ang tanang magtutudlo sa maong mga eskwelahan kinahanglan nga fully vaccinated kontra COVID-19.

RadyoMaN Aimee Guinita


Facebook Comments