Davao Occidental ipailawom sa alert level 4, LGU i-intesify pa ang COVID-19 response

46

Davao City – Ipailawom sa Alert Level 4 ang Davao Occidental sugod karong adlawa (October 20, 2021) tungod sa sitwasyon sa Coronavirus Disease 2019 (COVID-19), subay sa Inter-Agency Task Force (IATF) Resolution No. 144-D.

Sa interbyu sa DXDC RMN Davao kang Oscar Casaysay, Davao Occidental Provincial Information Officer, nasabtan niii nganong nabutang sa maong alert level ang probinsya tungod kay nakatala gayud og taas nga COVID-19 cases ang matag Local Government Unit (LGU) sa milabay nga mga semana.

Giluwatan ni Casaysay, nag-unang problema ang disiplina sa tawo rason nga ilaha pang pakusgan ang ginapatumang minimum public health standards batok COVID-19.


“Maskin na gibutang ‘mi sa Alert Level No. 4, masulti pa gihapon namo compare last week, dili na kaayo (taas ang COVID-19 cases) karon nga week. But then again, kinahanglan gyud i-reinforce ‘tong mga restrictions then ipa-strictly follow ang mga safety protocols,” saysay ni Casaysay.

Gitataw usab ni Casaysay, una pa hingpit ipatuman ang direktiba, tukion pa kini sa Regional IATF ug kung aduna pay laing proposal og gilayon kining ibalik sa National IATF aron paaprubahan ug ang pagbaton og Executive Order (EO).

Ipailawom usab sugod karong adlawa sa Alert Level 3 ang Davao City ug Davao del Norte, samtang, Alert Level 2 ang Davao de Oro, Davao del Sur ug Davao Oriental.



RadyoMaN Kirby Manzon

Facebook Comments