BACOLOD CITY – Kapin sa anum ka kahoy ang nagkalatumba kagapon bangud sa pag-ulan kag hangin nga tuga sang Bagyong Vinta sa syudad sang Bacolod.
Suno sa head sang CDRRMO – Dondon Parandas nga apisar wala sang storm signal ang Bacolod, may yara naman sang pulupugada kagapon nga nag-resulta sa pagka-tumba sang kahoy sa Brgy. Mandalagan, Tangub, Pahanocoy, Brgy. 35 kag sa area sang Sharina Heights.
Dugang pa ni Parandas nga ila na ginpa-andaman ang mga kabarangay nga ipang-evacuate ang mga residente nga yara sa danger zone ukon ang yara sa mga kilid sang suba kag dalum sang taytay.
Samtang, magluwas sang CDRRMO, naka-standy by ang ang rescue units sang Amity, Chamber, UNTV kag Philippine National Red Cross.
Facebook Comments
