Polomolok, South Cotabato–Himas rehas sa selda sa Polomolok MPS ang unom ka mga batan-ong lalaki nga silang alyas Tikboy, Boboy, Boknoy, Dodong, Andoy ug Tonton mga hingkod ang pang-idaron pulos residente sa Brgy.Cannery Site, Polomolok, South Cotabato kansa gi-aligarang milugos sa usa ka 19 anyos niadtong milabay nga adlaw sa usa ka subdivision sa nasampit nga lugar.
Sumala pa ni Police Captain Rommel Hitalia, Deputy Station Commander sa Polomolok PNP nga midangop kanila ang biktima ug gisaysay niini nga gi-among-amongan kini sa upat ka suspek samtang ang duha ang mahimong look out.
Kahibaloan nga una ng gi-imbentahan ang biktima sa iyang amigo nga suspek usab sa panghitabo nga magkaon sila sa panimalay sa bakada sa iyang amigo.
Dugang saysay ni Hitalia nga tungod sa dakong pagsalig sa biktma sa iyang amigo rason nga mi-uban kini apan wala niini damha nga duna matud pay dautang tumong ang mga suspek.
Atol sa pagkasikop sa mga suspek sa kapulisan sa lugar positibo usab kining giila sa biktima ang upat nga milugos kaniya ug nakuhaan pa ug tag-usa ka sachet sa gituohang shabu sa ilang posisyon.
Gitin- aw ni Police Captain Hitalia nga basi sa medical result nag negatibo matud pa sa lacceration ang biktima apan dili matud pa kini igo nga basihan nga walay nahitabong lugos.
Gihingusgan usab sa opisyal nga pasakaan gayud nila ug kasong lugos ug sa kalapasan sa RA 9165 ang upat ka suspek samtang ang duha nga nahimong look out ang ma-apil sa kasong lugos. (Reynald Timario)
