Nagsurender ang anum ka mga miyembro sang Bangsamoro Islamic Freedom Fighters sa militar sa Maguindanao sang tinalikdan nga adlaw.
Suno kay Lt. Gen. Corleto Vinluan, Jr., Commander sang Western Mindanao Command nga ang pagsurender sang anum ang tungod sa pagtinguha sang units sa idalom sang 1st Mechanized Infantry Brigade.
Ang anum ka mga miyembro sang BIFF ang mga residente sang Barangay Darampua, Sultan sa Barongis kag Barangay Kaya-Kaya, Datu Abdullah Sangki sa Maguindanao.
Ginsurender man sang mga ini 1 ka 5.56mm M653 rifle,1 ka Cal. 30 M1 Garand nga ginconvert sa M14 rifle, 1 ka Cal. 30 Carbine, kag 1 ka Cal. 30 M1 Garand.
Ginpaidalom naman sa custodial debriefing ang mga nagsurender, samtang ang mga armas ang ginkustodiya sa 1Mech Bde.
Samtang nagpasalamat naman si Maj. Gen. Juvymax Uy, Commander sang Joint Task Force Central sa mga local government units kag mga stakeholders sa suporta agud maangkon ang katawhayan sa central Mindanao”.
May-angot sini, halin Enero subong nga tuig yara na sa kabug-usan nga 80 ka mga BIFF personalities ang naneutralized sa diin 38 ang napatay kag 42 ang nagsurender.
Kabug-usan naman nga 47 ka mga armas luthang ang nakuha sang pwersa sang gobyerno sa diin 40 ang nasurender kag 7 ang narekober.
