Davao City – Milungtad og tulo ka oras ang gilusad nga rescue operations sa Tamugan river, Purok 6, Brgy. Gumalang, Baguio District, Davao City.
Gibutyag ni Police Master Sergeant ( PMSgt) Kent Lahorra sa interbyu sa RMN Davao, malampusong naluwas ang unom ka mga indibidwal nga sila DEVANEY KREYE OCAMPO, JECAR DELA CERNA, KIRSTEN MARIE BALAOD, JULIE MAE MENDOZA, ROBEEN JOHN GERODIAZ ug ALLEN JUNE BUENAVISTA, mga empleyado sa Galerio Environmental Consultancy nga gikontrata sa Apo Agua para mupahigayon og environmental research.
Sumala ni Lahorra, alas 3:00 sa hapon niadtong Hunyo 7, 2021, nagkuha sila’g water sample sa Tamugan River apan na-trap kini tungod sa baha ug di na makatabok pa tungod sa kakusog sa bul-og sa tubig.
Alas-10:00 sa gabie, malampuson ang mga responders gikan sa Baguio PNP, Team Davao Rescue ug BDRRMC sa Brgy. Gumalang sa pag-rescue sa mga biktima.
RadyoMaN Aimee Guinita
