Sultan Kudarat— Mokabat sa unom pa ka mga miyembro sa Communist Terrorist Group ang misurender sa militar sa Barangay Tibpuan, Lebak, Sultan Kudarat. Matud ni Lt. Gen. Corleto Vinluan, Jr., Commander sa Western Mindanao Command nga ang unom ka mga miyembro sa New People’s Army kon NPA, ang pulos residente sa Barangay Ned, Lake Sebu, South Cotabato ug miyembro sa Platoon West (Samsung), Guerilla Front Musa, Far South Mindanao Region (FSMR), kansa misurender sa 37th Infantry Battalion.
Ang unom nga misurender mao silang si Alias Buyo-Buyo, supply officer; Alias Lyn-Lyn, medic; Alias Caesar; Alias Tyron; Alias Kilohan; ug Alias Arnold.” Bitbit sa mga nasangpit ang 7.62mm M14 rifle, 2 ka 9mm sub-machine guns, ug 2 ka Cal. 357 revolvers.” Rason sa mga nasangpit sa pagsurender mao ang tumang kakapoy sa pakigbatok sa pwersa sa gobyerno ingon man ang tumong nga manginabuhing normal uban sa ilang pamilya.
Gibutyag usab ni 603rd Infantry Brigade Commander Col. Eduardo Gubat nga ang unom ang padayon nga gipailawom sa custodial debriefing ug ilang gipaniguro nga mahatagan ug nagkadaiyang ayuda ang maong mga former rebels. Sa nakalabayng tuig matud pa, anaa sa kinatibuk-ang 75 na ka mga miyembro sa Guerilla Front Musa ang misurender sa militar sa central Mindanao. credit: Westmincom
