Maguindanao Province – Laing unom ka mga Bangsamoro Islamic Freedom Fighters (BIFF) combatants, ilawom sa Karialan faction, ang mipahawa sa ilang grupo ug mitahan sa ilang kaugalingon sa 90th Infantry (BIGKIS LAHI) Battalion ug Pagalungan Municipal Station sa Pagalungan, Maguindanao alas 3:00 sa hapon niadtong nakalabayng adlaw.
Ang maong mga kanhing miyembro sa extremists group ang gipresentar kang BGen. Roberto Capulong, Commander sa 602B ug Hon. Salik Mamasabulod, Municipal Mayor sa Pagalungan Maguindanao atol sa gipahigayong simpleng seremonyas sa Municipal Hall, sa Brgy. Poblacion, Pagalungan.
Bitbit sa unom ka mga mitahan ang ilang mga pusil nga gilangkuban sa duha ka M14 Rifles, usa ka Garand Rifle, usa ka 5.56mm Carbine, usa ka locally made Cal 50 Barret Sniper Rifle ug usa ka RPG ug mga buhing bala.
Dungan niini dako ang pagpasalamat sa mga kanhing miyembro sa BIFF ngadto sa militar ug sa gobyerno human nga wala matud pa sila giisip nga kalaban sanglit sila gitabangan pa nga makabalik sa normal ng kinabuhi uban sa ilang pamilya.
Dugang pa sa mga nasangpit nga sila gikapoy na sa ilang sitwasyon sa kabukiran hilabina nga wala na silay makaon ug wala usab suporta ngadto kanila ang ilang mga opisyal.
Samtang ang sunod sunod nga pagsurender sa miyembro sa BIFF ang resulta matud pa sa “AGILA-HAVEN” program kon ang “Malasakit ng AGILA” ni Maguindanao Governor Bai Mariam Sangki Mangudadatu. Tanang mga BIFF surenderees ang enrolled na sa maong programa isip usa ka psychosocial intervention ayha sila ibalik sa sosyodad.
Matud ni Major General Juvymax Uy, Commander sa 6th Infantry (KAMPILAN) Division ilang giwelcome ang mga kanhing miyembro sa BIFF . labot niini, hinay-hinay nang nagbunga matud pa ang ilang pagpaningkamot uban ang Provincial Local Government sa Maguindanao alang sa pangandoy nga tinuoray nga kalinaw sa Probinsya sa Maguindanao ug pipila ka lugar sa Mindanao”.
Photo Credit to the Owner
