NATIONAL NEWS – Padayon karon ang imbestigasyon sa matuod nga hitabo sa natabo nga nga misencounter sa tunga sang PNP kag Philippine Army nga nagtuga sang kamatayon sang 6 ka pulis kag pagkasamad sang 9 ka iban pa sa Samar kahapon.
Ini kasunod nga tubtub kagab-i wala gihapon sang klaro nga impormasyon angut sa amo nga insidente.
Ginpahayag ni Eastern Visayas Police Director, C/Supt. Mariel Magaway nga natabo ang insidente may mga las 9:27 kahapon sang aga sa Brgy. Sta. Rosa sa banwa sang Villareal.
Samtang, base naman sa spot report sang Sta. Ria Municipal Station, natabo ang misencounter mga las 9:20 sang aga kahapon sa area sang Sitio Lunoy, Brg. San Roque, Sta. Rita, Samar.
Suno sa imbestigasyon sang PNP Eastern Visayas ang mga katapo sang 87th Infantry Battalion sang Philippine army ang lima ka adlaw na nga nagapatigayon sang combat operations sa amo nga lugar bangud man sang ginreport nga presensya sang armado nga grupo.
Kahapon sang aga, nasugata sang grupo ang mga katapo sang 805th Mobile Company sang Regional Mobile Force Battalion 8 nga sang amo nga tion nagapatigayon naman sang minor combat operations sa Brgy. Sta. Rosa, banwa sang Villareal kag ini sila ang ginpa-pundo kag ginpalukpan.
Apang sang ulihi natukiban nga ang ila naka enkwentro ang tropa gali sang Philippine Army.
Nakilala ang mga killed-in-action (KIA) nga amo sanday PO1 Julius Suarez, PO1 Julie Escalo , PO1 Rowel Reyes, PO1 Wyndell Noromor, PO1 Phil J Rey Mendigo kag PO1 Edwin Ebrado.
Nasamaran naman sanday POI Rommel Bagunas, PO1 Janmark Adones, PO1 Roden Goden, PO1 Romulo Cordero, PO1 Elmer Pan, PO1 Chris Agelo Pialago, PO1 Jaime Galoy, PO1 Rey Barbosa kag PO1 Jonel Gonzaga. / News5 photo
