Patay ang 60 anyos nga lalaki matapos nga nagkumiter sang suicide gamit ang lubid nga ginhigot sa iya nga liog kag nagbitay sa balayan sang kisame sa likod nga bahin sang Bakery nga ginapanag-iyahan sang pamilya sang biktima sa Barangay 1-B banwa sang Manapla pasado las Nieve sang aga, Hunyo 6.
Ang biktima ang ginkilala kay Napoleon Mosquito sang nasambit nga lugar kag isa ka sultero.
Suno sa imbestigasyon sang Manapla PNP, natalupangdan sang nakalipas nga mga inadlaw sang pamilya sang biktima nga nagaisahanon ini kun kaisa nga nagakadlaw kag ginapatihan may ara man sang depression ang bangud sa sitwasyon nga wala ini sang asawa kag kabataan nga mapautwasan sang iya problema.
Padayon pa ang imbestigasyon sang kapulisan kun bala may ara sang foul play ukon wala ang pagbitay sang biktima nga gintunaan sang iya nga kamatayon.
[image: image.png]
