60-anyos nga senior citizen, ginlabo-patay sa Brgy Intampilan, Panit-an!

516
smart

Panit-an, Capiz- Patay ang isa ka senior citizen matapos nga nalab-an pasado alas 3 sang hapon sa Brgy Intampilan banwa sang Panit-an.

Nakilala ang biktima kay Edwin Delfin y Baniel, 60-anyos ang pang-edaron sang nasambitan nga barangay kun sa diin ini ang gindeklarar nga ginbawian sang kabuhi sang gindala sa Bailan District Hospital bangud sa mga patal nga pilas nga naangkon sa parte sang liog, guya, tiil kag kamot.


Samtang pilason man kag padayon nga ginabulong sa Capiz Emmanuel Hospital ang suspek nga nakilala kay Jose Rey Dasig y Dasal, 49-anyos ang pang-edaron.

Suno sa imbestigasyon sang kapulisan, nagalakat ang suspek sa karsada sang ini ang ginpanaugan sang biktima sa ginasakyan nga traysikol kag ini ang ginhaboy sang bato.

Bangud pareho nga may dala nga mga patalom, nagduwelo ang mga ini.

Nahibauan dugang nga may yara na sang madugay nga tema-tema ukon indi paghangpanay sa tunga sang suspek kag biktima.

Facebook Comments

From Advertisers